"Жамоага турли омиллар таъсир қилиши мумкин ва уларнинг ҳар бири ўзгача таъсир кўрсатади. Агар ўйиннинг ўзини оладиган бўлсак, жамоамизга хос бўлган ўз кучига бўлган ишонч, ушбу баҳсни қандай бошлаганимиз ва аввалги ўйинлар сериямизни ҳисобга олсак, содир бўлаётган воқеалар устидан назоратни тезда йўқотиш жуда осон эди.
Бироқ, бизнинг реакциямиз жамоада ички ишонч, жамоавий руҳ ва бирдамлик борлигини кўрсатди. Футболчилар майдонда бундай вазиятлар билан яккама-якка қолганларида, вазиятни ўнглаш йўлини ўзлари топишлари керак. Ва ўйлайманки, биз буни етарлича яхши уддаладик.
Биз мағлуб бўлдик ва бу натижадан хафамиз, аммо бундай эпизодларни турлича енгиб ўтиш мумкин. Менинг назаримда, умуман олганда биз бундан муносиб ўтдик. Бу ўзимизга бўлган ишончни мустаҳкамлади ва бизни кучлироқ қилди.
Муайян шароитларда бундай синовлар жамоани жипслаштиришга қодир ва бизнинг вазиятимизда жорий ҳафта давомида айнан шундай бўлди. Футболчилар ҳозирда жуда яхши руҳий ҳолатдалар", — дейди Кэррикнинг сўзларини BBC нашри.
