"TEAMtalk" маълумотларига кўра, аргентиналик футболчига Испания грандлари – "Барселона" ва "Атлетико" қизиқиш билдирмоқда.
27 ёшли Ромеро Чемпионлар Лигасида мунтазам иштирок этадиган жамоада фаолиятини давом эттиришни истайди. Қайд этилишича, ҳимоячининг трансфери қизиқувчи томонларга 80-90 млн евро атрофидаги суммага тушади.
Ромеро жорий мавсум барча турнирларда 27 ўйинда қатнашиб, 6 та гол урди ва 4 та голга ассистентлик қилди. Унинг "Тоттенхэм" билан амалдаги битими 2029 йилнинг ёзигача мўлжалланган. Transfermarkt'да футболчининг нархи 60 млн еврони ташкил этади.
