"TeamTALK" нашри хабарига кўра, "канонирлар" ҳали ҳам марказий ҳимоячи, чап қанот вингери ва агар бюджет имкон берса, ҳужумчи сотиб олиш ниятидалар.
"Арсенал"ни тарк этишга яқин турган ўйинчиларга келсак, ушбу рўйхатга "Вест Хэм" қизиқиш билдираётган вингер Рейсс Нелсон киради. Лондонликлар футболчи билан ижара асосида эмас, балки бутунлай хайрлашишни хоҳлашмоқда.
Сотувга қўйилган бошқа икки номзод — бу бразилиялик Габриэл Жезус ва Габриэл Мартинеллидир. Биринчиси билан шартнома имзолашга "Наполи" қизиқаётган бўлса, иккинчисини "Галатасарай" кўриб чиқмоқда.
