Bunda dastlab mehmonlar bosh murabbiyi Simone Inzagi va uchrashuvning "Eng yaxshi futbolchisi" deb topilgan Markos Leonardo ishtirok etdi.

Bosh murabbiyga savol:

- O'yin haqida fikringiz?

- Bugun juda chiroyli o'yin o'tkazdik. Uchrashuv harorati ancha baland bo'ldi. G'alaba uchun futbolchilarimga rahmat aytaman. Garchi ikki bor to'p o'tkazib yuborgan bo'lsak-da, yakunda g'alabaga erishdik. Ko'p vaziyatlar yaratdik. Raqib jamoada ham imkoniyatlar bo'ldi va ikkita gol urishdi. G'alaba qozonganimiz futbolchilarimizning jismoniy va ruhiy holati yaxshi ekanini anglatadi.

Markos Leonardo: - Biz yaxshi o'yin o'tkazdik. G'alaba juda zarur edi, chunki bu musobaqada har bir jamoa bilan bir martadan o'ynaymiz. Endi navbatdagi o'yinlarga tayyorgarlik ko'ramiz.

- Bugun "Al Hilol" o'z kuchini to'liq namoyish eta oldimi?

- Biz har doim yaxshi o'yin ko'rsatishga harakat qilamiz. Xoh uyda yoki safarda o'ynaylik, doim o'z kuchimizni ko'rsatishga intilamiz. Bugun ham to'p nazorati ko'proq jamoamiz tomonida bo'ldi, bu esa yaxshi harakat qilganimizni anglatadi.

Bosh murabbiyga savol:

- "Nasaf"ning o'yin uslubini Evropaning qaysi jamoasiga o'xshatdingiz?

- Evropada qaysi klub "Nasaf"ga o'xshash o'yin namoyish etishini bilmayman. Lekin "Nasaf" yaxshi shakllangan jamoa ekan hamda kuchli murabbiy boshqaryapti deb ayta olaman. "Nasaf"ning safarda "Al Ahli"ga qarshi o'yinini ko'rgandik, menda iliq taassurot qoldirgan.

- Jamoangiz bugungi o'yinda ikkita gol o'tkazdi. Bunga nima tasir ko'rsatdi? Maydon holati ham sabab bo'ldimi?

- Aytib o'tganimdek, ikkita gol o'tkazgan bo'lishimizga qaramay o'yinni yaxshi o'tkazdik. To'p nazorati asosan biz tomonda bo'ldi. Raqibning birinchi goli juda ajoyib chiqdi, ikkinchi gol esa o'z xatoimiz tufayli yuzaga keldi. Ketma-ket o'yinlarda maydonga tushyapmiz, oxirgi 7ta o'yinning beshtasida g'alaba qozonib, ikki bor durang o'ynadik. Hali ishlaydigan jihatlarimiz ko'p.

- "Nasaf" tarkibidagi qaysi futbolchilarning harakati sizga maqul keldi?

- Ko'p o'yinchilar yaxshi harakat qilishdi. Ayniqsa darvozabon o'zini ko'rsatdi. Jiddada kechgan uchrashuvda "Nasaf"ning 6-raqamli futbolchisi (Murodbek Rahmatov) juda yaxshi o'yin ko'rsatgandi, lekin nima uchundir bugun ko'rinmadi.

"Al Hilol" bosh murabbiyi Simone Inzagi: "Ikki bor to'p o'tkazib yuborgan bo'lsak-da, yakunda g'alabaga erishdik"