Аммо янги йилдан сўнг Турсунбоев Наманганнинг “Навбаҳор” клуби йиғинига келиб қўшилди.
“Андижон” жамоасидан кетганимдан сўнг Тошкентнинг “Обод” клуби мени ўз сафига жалб қилди. Қишки йиғиннинг биринчи қисмида ушбу жамоа билан машғулотларда иштирок этдим. Клуб рахбариятлари менга 3 йиллик шартнома таклиф қилди. Аммо мен бир йиллик битимга имзо чекишимни билдирдим. Хуллас, ушбу вариант амалга ошмади. Чунки мен уларга фақат 1 йиллик шартномага имзо чекишимни айтдим. Улар эса мен билан камида 2 йиллик келишувга эришмоқчи эди.
“Обод” жамоаси рахбариятлари мени тўғри тушунишди, фаолиятимда омад тилашди. “Навбаҳор” клубига эса мени Илҳом Мўминжонов таклиф қилди. Кўпчилик билса керак, Мўминжонов билан “Пахтакор”да бирга ишлаганман. Ушбу мураббий қандайлигини яхши биламан. “Навбаҳор” жамоаси олдига яхши ўринларни қўлга кириш вазифаси қўйилган. Насиб қилса ушбу вазифани уддалаймиз деган умиддаман”, - дейди "Андижон" клуби собиқ дарвозабони Акмал Турсунбоев.
Жаҳонгир Сотволдиев
