Эшитдик-да! "Нефтчи"нинг икки футболчиси собиқ клубига қайтмоқда
02 dec 2024 12:20
News

Эшитдик-да! "Нефтчи"нинг икки футболчиси собиқ клубига қайтмоқда

Фарғонанинг "Нефтчи" клубини икки футболчи тарк этишга яқин.

Championat.asia сайти бош муҳаррири Нарзулла Сайдуллаевнинг телеграмдаги каналида берган хабарига кўра, "Нефтчи" ҳужумчиси Шоҳруз Норхонов ва ярим ҳимоячи Жавоҳир Қаҳрамонов 2025 йилги мавсумни "Бухоро" сафида бошлайди. Ҳар иккала футболчи ҳам ўз вақтида "Бухоро"да фаолият олиб боришган.

Маълумот учун, Норхонов 2024 йил барча мусобақаларда 21 та ўйинда майдонга тушиб 4 та гол урди. Қаҳрамонов эса 28 та учрашувда 1 та гол ва 1 та голли узатмани амалга оширди.

"Бухоро" клуби 2024 йилни Про лигада ўтказди ва 2025 йил Суперлигада иштирок этиш ҳуқуқини қўлга киритди.