Даҳшат! Сенегалдан Африка чемпионлиги олиб қўйилди. Марокаш терма жамоаси финалдан икки ой ўтиб, Африка миллатлар кубоги ғолиби деб топилди!

Бундан икки ой олдин Африка миллатлар кубоги финалида Марокашни мағлубиятга учратган Сенегал терма жамоасидан чемпионлик олиб қўйилди. Бунга жамоанинг норозилик ўлароқ майдонни тарк этгани сабаб бўлди. АФК томонидан Марокаш терма жамоаси қитъа чемпиони сифатида эълон қилинди. 

"Африка футбол конфедерацияси апелляция кенгаши Африка миллатлар кубоги (AFCON) регламентининг 84-моддасига мувофиқ, Сенегал термаси финал учрашувини техник мағлубият билан ютқазган дея қарор қилди.

Шу муносабат билан Африка Милллатлар кубоги финал учрашувида Марокаш терма жамоаси 3:0 ҳисобида ғалаба қозонган деб топилди", -дейилади АФК берган расмий баёнотда.

Эслатиб ўтамиз, Африка Миллатлар кубоги финалида Сенегал терма жамоаси норозилик сифатида майдонни тарк этганди, бироқ Садио Мане шерикларини ортга қайтишга чақирди. Биринчи экстра-таймнинг 4-дақиқасида Пап Гейе Сенегални ҳисобда олдинга олиб чиқиб, якунда унинг голи жамоага ғалаба келтирганди.