"Динамо" футболчилари микст-зона орқали ҳаракатланмади, "Навбаҳор" стадиони ходими захира ўриндиғи ёнига туриб олди, "Қўқон-1912" "Бобур Арена"га киришда муаммога дуч келди — Лига комиссарлари билдиргиси
14 aug 16:35
News

"Динамо" футболчилари микст-зона орқали ҳаракатланмади, "Навбаҳор" стадиони ходими захира ўриндиғи ёнига туриб олди, "Қўқон-1912" "Бобур Арена"га киришда муаммога дуч келди — Лига комиссарлари билдиргиси

ПФЛ матбуот хизмати 1-8 август кунлари бўлиб ўтган Суперлига 16-17-туридан кейин Лига комиссарлари ёзган билдиргиларни тақдим этди.

"Динамо" 2:2 "Навбаҳор"

"Динамо" футболчилари огоҳлантиришларга қарамай, микст-зона орқали ҳаракатланмасдан, стадионни бошқа йўл билан тарк этган. Бу орқали "Суперлига ва Про лига регламенти"нинг 18.7 бандига амал қилинмаган.

"Динамо" клубининг иши Тартиб-интизом қўмитасига оширилди.

"Навбаҳор" 1:1 "Сўғдиёна"

"Марказий" стадиони ходими учрашув давомида захира ўриндиғи ёнига туриб олган. Лига комиссарининг огоҳлантиришларига қарамасдан, бу ходим техник ҳудудни тарк этмаган. Ушбу ҳаракат орқали "Суперлига ва Про лига регламенти"нинг 16.20 банди бузилган.

"Навбаҳор" клубининг иши Тартиб-интизом қўмитасига оширилди.

"Андижон" 3:0 "Қўқон-1912"

"Қўқон-1912" жамоаси "Бобур Арена"га киришда муаммога дуч келди. Стадионнинг асосий дарвозаси ёпиқлиги сабаб "Қўқон-1912" жамоаси аренага бошқа дарвозадан киришга мажбур бўлган. Меҳмон жамоа кийиниш хонасигача бўлган маълум масофани пиёда босиб ўтишига тўғри келган. Мезбон жамоа стадионга келганда эса ёпиқ дарвоза очиб берилган. "Андижон" клубининг ушбу ҳаракатлари "Суперлига ва Про лига регламенти"нинг 15.5 бандига зид.

"Андижон" клубининг иши Тартиб-интизом қўмитасига оширилди.

Link :

Source : pfl.uz

Receive latest football news directly on your phone. Subscribe for our Telegram channel!

Rating: +4