"Бугун ўта қийин учрашув бўлишини тахмин қилганидк. Йигитларга кўп тахлил ўтказгандик. Об-ҳаво ҳам бироз қийинчилик туғдирди. Барча "Ғазалкент" мухлисларини ғалаба билан табриклайман. Йигитларга раҳмат. 90 дақиқада бирдек меҳнат қилишди", — дея гап бошлади Зайниддин Тожиев.
- Бугунги ғалаба клуб тарихидаги энг йирик ва сенсацион натижа десак бўладими?
- Ҳа. Биз янги жамоа қурдик. Ҳали Суперлига жамоаларини мағлуб этмагандик. Қишда "Динамо"га мағлуб бўлгандик. Бугунги натижани эса сенсация десак бўлади.
- Жамоангизнинг Про Лигадаги ишлари унчалик яхши эмас, аммо бугун Суперлига клуби мағлуб этилди. Йигитларни бугунги ўйинга қандай тайёрладингизки, улар майдонга чиқиб Суперлига жамоасини енгди.
- Руҳлантириш муаммо туғдирмади. Сабаби Суперлига клубига қарши ўйнашнинг ўзи иштиёқ беради. Биз ўстираётган йигитларнинг мақсади Суперлига клубларига ўтиш. Йигитлар бугун яна меҳнат қилишда давом этса, Суперлига даражасидан кам жойи йўқ эканлигини кўрсатди. Фақатгина тажриба керак, холос. Про Лигага тўхталадиган бўлсак, ҳар бир ўйинда имкониятларимиздан фойдалана олмаяпмиз. Бугун эса вазиятларимиздан фойдалана олдик. Бизнинг олдимиздаги мақсад - йигитларни катта футболга етказиб бериш. Мухлисларга раҳмат дейман. 400 километр масофани босиб келишди. Ғалабани уларга бағишлаймиз.
- "Ғазалкент" ёмғирга яхшироқ мослашди. Бундай об-ҳаво бўлишини билиб, олдиндан тайёргарлик кўрганмидингиз?
- Йўқ. Биз шунчаки режа асосида тайёргарлик кўрдик. "Динамо"нинг кучли ва кучсиз жиҳатларини ўрганиб чиққандик.
- "Лочин" ҳам "Локомотив"ни мағлуб этди. Бугунги натижадан сўнг жамоангизнинг гуруҳдан чиқиш имконияти анча ошди...
- Про Лигада "Лочин"га ютқазиб қўйдик. Вазиятларимиз бор эди, уларни кўкка совургандик. "Лочин" эса ўз имкониятидан унумли фойдаланганди. Йигитларни кейинги ўйинга тайёрлашда давом этамиз.
