Журналист Альфредо Педулла хабарига кўра, Турин клуби ва 25 ёшли ҳужумчи йиллик маоши 6 млн евро бўлган шартнома бўйича келишиб олди. Ўйинчи мавсумда 1-2 миллион еврогача бонус сифатида ишлаб олиши мумкин.
Тўлиқ келишувга эришишда асосий тўсиқ агентларга тўланадиган комиссия масаласи бўлиб турибди. Футболчи вакиллари 10 миллион евродан кўпроқ пул талаб қилмоқда.
Таъкидланишича, Дэвидга Туркия ва Саудия Арабистонидан ҳам таклифлар бор, лекин у А Серияда ўйнашни хоҳлайди.
Ўтган Лига 1 мавсумида канадалик "Лилль" учун 32 ўйин ўтказиб, 16 та гол урди. У француз клубини эркин агент сифатида тарк этди.
