Бироқ туринликлар келаси трансфер ойнасида футболчини сотишга тайёр ёки тайёр эмаслиги ҳозирча номаълум.
Италиялик журналист Жанлука Ди Марционинг таъкидлашича, "Ювентус" Йилдизни сотишга қарор қилса, футболчи учун камида тўққиз хонали сумма талаб қилади.
"Агар "Ювентус" уни сотса ҳам, албатта, жуда катта сумма эвазига сотади. Бу 110 ёки 120 миллион евро эмас, балки 150 миллион еврога яқин бўлади.
Агар мен 100 миллион евродан ортиқ суммага аниқ сотилиши мумкин бўлган битта футболчини танлашим керак бўлса, бу “Ювентус”дан Йилдиз бўларди", — деди Ди Марцио Goal нашрига.
Йилдизнинг "Ювентус" билан амалдаги шартномаси 2030 йил ёзига қадар мўлжалланган. Transfermarkt портали футболчининг бозор қийматини 75 миллион евро деб баҳоламоқда.
