Хуршид Ходжаев: “Жароҳатдан тўлиқ фориғ бўлдим”

кўпчиликни эътиборини тортаётганди. Дарвозабон 11та ўйинда атига 2та тўп ўтказиб, биринчи даврада энг яхши кўрсаткич қайд этган посбонга айланганди. Аммо кейинчалик кутилмаганда жарохатга йўлиқиши, Ходжаевни “ўйиндан ташқари холат”га тушириб қўйди. Маълум муддат даволаниб яна сафга қайтган Хуршид Ходжаев айни дамда олмалиқликларнинг хориждаги йиғинида иштирок этмоқда.  

- Хуршид ака, жамоангизнинг Туркиядаги йиғини қай тарзда ўтмоқда?
- 4 январь куни Туркиянинг Анталия шаҳрига етиб келдик. Эртасидан машғулотларга киришдик. Мураббийлар кўпроқ эътиборни ушбу хориж йиғини чоғида жисмоний тайёргарликни кучайтириш ва тактик схемалар устида ишлашга қаратилишини таъкидлаб ўтди. Табиийки машғулотлар куни икки маҳалдан, эрталаб ва тушликдан сўнг режа асосида ўтказилмоқда.

- Ўткан мавсум жарохат сабаб сафдан чиққандингиз. Айни дамда ўзингизни қандай хис қиляпсиз? Қийинчиликлар ортда қолдими?
- Афсуски ўткан йили кутилмаганда жарохатга йўлиқдим. Шундан сўнг шифокорлар маслаҳатига қулоқ солган холда, маълум муддат даволандим. Жарохатлардан тўлиқ фориғ бўлдим. Фақат озгина қўрқувни енгиб ўтсам бўлгани. Машғулотларга қўшилдим ва аввалги спорт формамга кириб бориш учун астойдил ишлаяпман. Умид қиламанки, мавсум стартига қадар ҳаммаси мен учун кўнгилдагидек кечади.  

- Виктор Кумиков билан ўтган йили илк бор ишладингиз. Россиялик мутахассис хақида фикрингиз қандай?
- Албатта Виктор Балютович ҳақида таассуротларим ижобий. Россиялик мураббий ўз ишининг устаси. Жуда кўп мехнат қилади. Эринмасдан кичкина бир деталларгача ўрганиб чиқади. Футболчиларга ҳар бир вазиятни тўлиқ тушунтиришга харакат қилади. Ўйлайманки жамоамиз Кумиков бошчилигида бу йил юқори ўринлардан бирини эгаллайди.

Исломбек Рустамбеков суҳбатлашди.