"Хоразм" "Бунёдкор" билан ўйинда тарихий натижа қайд этди
19 апр 2025 08:20
Янгиликлар

"Хоразм" "Бунёдкор" билан ўйинда тарихий натижа қайд этди

Узоқ вақтдан сўнг Суперлигада ҳаракат қилаётган "Хоразм" кеча навбатдаги очкосини қўлга киритди.

Тошкентда "Бунёдкор"га қарши кечган ўйинда 0:0 ҳисобидаги дуранг натижа қайд этилди. Бу жамоаларнинг Суперлигадаги 15 йиллик танаффусдан кейинги илк учрашуви эди. Икки клуб бу ўйинга қадар чемпионат доирасида 4 бор куч синашишган бўлиб, бу ўйинларда тўлиқ устунлик "Бунёдкор" томонида эди, 4 та ғалаба. "Қалдирғочлар" рақиб дарвозасига 12 та гол урган ва 3 та ўтказганди. Кеча "Хоразм" тарихда илк бор "Бунёдкор"дан очко олишга муваффақ бўлди. Пойтахт клуби эса биринчи мартта рақиби дарвозасига йўл топа олмади.

Ҳавола :

Манба : Championat.asia

Янгиликларни Телеграмда ўқинг!

Рейтинг: