Хамес Родригес фаолиятини Бразилияда давом эттириши мумкин

Аввалроқ ярим ҳимоячи грек клуби билан шартномасини узайтиришга яқин тургани хабар қилинганди, бироқ томонлар шартномани узайтирмасликка қарор қилишган.

31 ёшли колумбиялик футболчи 2022 йилнинг сентябрида "Олимпиакос"га ўтганди. Бу вақт ичида у жамоа сафида 23 та ўйин ўтказиб, 5 та гол урди ва 6 та голли узатмани амалга оширди.

Маълумотларга қараганда, хавбек хизматларига "Ботафого" клуби қизиқиш билдирган. Бу трансферга клубнинг асосий инвестори Жон Текстор қизиқмоқда. У анчадан буён Хамес ўйини мухлиси ҳисобланади ва истагига қарамай, аввалроқ футболчини жамоага олиб келолмаганди.