Бу ҳақда "AS" хабар бермоқда.
Дарвозабон аслида пайшанба куни Чилига учиб келиши керак эди, аммо у рейсга чиқмади, бу эса трансфернинг барбод бўлиши мумкинлиги ҳақидаги миш-мишларга сабаб бўлди.
Футболчининг атрофидаги манбалар музокаралардаги муаммолар ҳақидаги маълумотни рад этиб, келишув ўз кучида қолаётганини таъкидлашди.
Ўйинчи вакилларининг сўзларига кўра, ушланиш фақатгина бюрократик процедуралар билан боғлиқ. Кабо-Вердеда Чили консуллиги бўлмагани сабабли ҳужжатлар Португалия орқали расмийлаштирилмоқда. Шу билан бирга, Возинья Португалия фуқароси эмас, шу сабабли жараён кутилганидан кўпроқ вақт олмоқда.
Ҳужжатлар билан боғлиқ масала яқин кунларда ҳал этилиши, шундан сўнг голкипер Чилига йўл олиши кутилмоқда. Футболчининг яқинлари у жума ёки якшанба куни учиб кетишига умид қилишмоқда.
