Владимир Родич: "Легионер футболчилар жамоага кўпроқ фойда келтириш учун олиб келинади"
03 фев 17:47
Янгиликлар
Владимир Родич: "Легионер футболчилар жамоага кўпроқ фойда келтириш учун олиб келинади"
У клуб матбуот хизматига интервью берди.
- Родич, авваламбор, сизни "Бухоро" жамоасида кўриб турганимиздан хурсандмиз! Клубга қўшилиш таклифи сизда қандай пайдо бўлди?
- Самимий кутиб олганингиз учун раҳмат! "Бухоро" жамоасининг қизиқиши ҳақида икки ҳафта олдин агентим орқали эшитган эдим. Эшитган заҳотим “О бу ажойибку” деб ўйладим. Чунки бу ўзбек маданияти билан яқиндан танишиш, рус тилимни яхшилаш, Осиё қитъасида ўзимни синаб кўриш учун ажойиб имкониятдир. Ундан ташқари Ўзбекистон Суперлигаси ўйинларида майдонга тушиб, ғалаба учун курашиш қизиқ туюлди.
- Айни вақтда "Бухоро" жамоасининг Анталиядаги машғулотларида иштирок этяпсиз, ўртоқлик учрашувида ҳам майдонга тушишга улгурдингиз. Дастлабки тассуротларингиз қандай?
- Йиғин ўтказиш учун Анталия ҳақиқатдан ҳам ажойиб шаҳар, гарчи об-ҳаво бу йил ноқулай келган бўлса ҳам, машғулот ва ўйинлар ўтказиш учун барча шароитлар мавжуд. Ҳозиргача кўрганларимдан хулоса шуки, жамоада тажриба ва ёшлар яхши уйғунликка эга. Бу юқори даражадаги ўйинларда ғалаба қозониш учун зарур. Сўнгги назорат учрашувида натижа биз кутгандек бўлмади, аммо мавсум бошланишига қадар бир нечта ўртоқлик учрашувлари ва кўплаб машғулотлар бор. Шунинг учун 1-турда "Қўқон-1912" жамоасига қарши ўйинда 100 фоиз тайёр ҳолда бўламиз.
- Бу сизнинг Суперлигада илк бор иштирок этишингиз, Ўзбекистон ва умуман ўзбек футболи ҳақида сизда қандай маълумотлар бор эди?
- Шубҳасиз, бутун дунё бўйлаб ҳар бир киши, Ўзбекистон давлатининг ЖЧ-2026 йўлланмасини қўлга киритгани тарихий воқеа эканлиги ҳақида эшитганидан сўнг бу давлат билан янада яқинроқдан танишди. Ўзим ҳам бошланғич синфларда, Ўзбекистон ҳақида жуда кўп маълумотларни эшитганман. Бу ернинг одамлари жуда самимий, кўнгли очиқ, ўзининг урф-одатларига эга мамлакат. Ўзбекистон ва унинг маданияти билан яқиндан танишишни интизорлик билан кутяпман.
Бир неча йил олдин Самарқанднинг "Динамо" жамоасида ҳаракат қилган, сербиялик дарвозабон дўстим, лига ҳақида бир қанча маълумотлар билан бўлишган эди ва у ерда осон ўйинлар бўлмаслигини, футболчилари юқори техника ва жисмонан кучли эканлигини таъкидлаб ўтган эди. Шунинг учун янги мавсум стартини интизорлик билан кутяпман.

- Ўзбек клублари ва мухлислари легионер футболчидан ҳар доим кўпроқ нарса кутишади…
- Буни тушунаман. Легионер футболчилар жамоага кўпроқ фойда келтириш учун олиб келинади. Мендан нима кутилаётгани биламан ва уни майдонда кўрсатишни интиқлик билан кутяпман.
- Янги мавсум олдидан бухоролик мухлисларга тилакларингиз...
- Янги мавсум старти олдидан барча мухлисларимизга омад тилайман. Уларнинг трибунадан қўллаб-қувватлаши орқали биз ажойиб ғалабаларга эришамиз! "Қўқон-1912" клубига қарши ўйинда кўришгунча!
Ўхшаш янгиликлар
championat.asia
ЕЧЛ. "Реал Мадрид" Вальверденинг хет-триги эвазига "Манчестер Сити"ни мағлуб этди
ЕЧЛ. "Барселона" меҳмонда "Ньюкасл" билан дуранг ўйнади
Суперлига. "Насаф" сўнгги дақиқаларда урилган гол эвазига "Динамо" билан дуранг ўйнади
ЕЧЛ. "Реал Мадрид" — "Манчестер Сити" 3:0
Фикрлар