Виталий Денисов РФПЛнинг мавсумдаги энг яхши чап қанот ҳимоячилари қаторида эътироф этилди
23 май 2017 09:30
Янгиликлар

Виталий Денисов РФПЛнинг мавсумдаги энг яхши чап қанот ҳимоячилари қаторида эътироф этилди

Ўзбекистон миллий терма жамоаси ва Москванинг “Локомотив” клуби аъзоси Виталий Денисов Россия футбол иттифоқи (РФИ) томонидан Россия футбол Премьер-лигаси (РФПЛ)нинг 2016/17 йилги мавсумида энг яхши чап қанот ҳимоячилари қаторидан жой олди.

Кеча, 22 май куни Россия футбол иттифоқи Россия чемпионати 2016/17 йилги мавсумининг энг яхши 33 футболчиси номини эълон қилди. Мазкур 33 талик рўйхатда ҳар бир позицияга уч нафардан футболчи танлаб олинди.

Ўзбекистон терма жамоаси ҳимоячиси Виталий Денисов чап қанот ҳимоячиси позициясида “Спартак” вакили Дмитрий Комбаров хамда “Зенит” футболчиси Доминико Кришито билан энг яхшилар қаторида эътироф этилди.

Маълумот учун, “Локомотив” Москва жамоаси Россия чемпионатини 16 жамоа орасида 8-ўринда тугатди. Шунингдек, “темирйўлчилар” Россия Кубогини қўлга киритган ҳолда Европа Лигасида иштирок этиш ҳуқуқини қўлга киритди.