Вальверде: "Балки Суарес билар, лекин бундан хабарим йўқ"
07 май 2018 14:53
Янгиликлар

Вальверде: "Балки Суарес билар, лекин бундан хабарим йўқ"

"Барселона" бош мураббийи Эрнесто Вальверде Луис Суареснинг интервьюси борасида изоҳ беришига тўғри келди.

Уругвайлик форвард ОАВ вакили билан суҳбатда Гризманн Каталония клубига ўтиши ҳақида ишонч билан гапирди ва кўпчиликни ўйлантириб қўйди. Вальверде эса ҳеч қандай келишув йўқлигини айтди.

"Луис Суарес Гризманн бизга ўтиши мумкин деган маънода айтган. Воқеалар қандай ривож олишини ҳеч ким билмайди. Ҳозир биз билан кўплаб футболчиларни боғлашмоқда.

Гризманн "Атлетико" футболчиси ва келажакда у қаерда бўлишини билмайман. Балки Луис Суарес билар? Бундан хабарим йўқ.

Ушбу трансфер ҳақида гапиришни истамайман, аммо сизлар доимо буни қайта-қайта сўрайсиз. У бошқа жамоада. Келажакдан хабаримиз йўқ" - дейди Вальверде.

Ҳавола :

Манба : Mundo Deportivo

Янгиликларни Телеграмда ўқинг!

Рейтинг: +10