Бу ҳақда Баку клуби футболчиси Умарали Раҳмоналиев “Report” нашрига маълум қилди.
23 ёшли ярим ҳимоячининг таъкидлашича, жамоа тиғиз тақвимда ўйнашга кўникиши керак.
“УЕФА Чемпионлар Лигасида “Викинг”га қарши сафардаги ўйин қийин бўлади. Норвегияга йўл олишдан олдин меҳмонда “Туран Товуз” билан куч синашамиз. Аммо менимча, биз бунга кўникишимиз керак. Чунки еврокубокларда ҳам, чемпионатда ҳам яхши натижа учун ҳаракат қиламиз”.
Ўзбекистонлик футболчи чемпионатнинг 9-турида “Қорабоғ” билан қайд этилган голсиз дуранг ҳақидаги фикрлари билан ҳам ўртоқлашди:
“Жуда қизиқарли ўйин бўлди. Мухлислар ҳам завқ олишди. Ғалаба қозониш учун кўп меҳнат қилдик. Аммо шундай бўлдики, ўйин дуранг билан якунланди. Учинчи зонада имкониятларимиздан фойдалана олмадик”.
Раҳмоналиев стадиондаги муҳит ажойиб бўлганини таъкидлади:
“Стадион, майдон майсаси аъло даражада эди. Биз ҳам завқ олдик”.
У жорий мавсум Премьер-лига янада қизиқарли ўтишини қўшимча қилди:
“Ҳар бир жамоа яхши кураш олиб бормоқда. Бу мухлислар учун ҳам яхши. Кураш охиригача давом этади. Ким кучли бўлса, ўша чемпион бўлади”.
