УЕФА Миллатлар лигаси. Терма жамоалар дивизионларга ажратилди

А дивизион: Германия, Португалия, Бельгия, Испания, Франция, Англия, Швейцария, Италия, Польша, Исландия, Хорватия, Голландия.

B дивизион: Австрия, Уэльс, Россия, Словакия, Швеция, Украина, Ирландия, Босния ва Герцеговина, Шимолий Ирландия, Дания, Чехия, Туркия.

C дивизион: Руминия, Шотландия, Словения, Венгрия, Сербия, Албания, Норвегия, Греция, Черногория, Исроил, Болгария, Финляндия, Кипр, Эстония ва Литва.

D дивизион: Озарбайжан, Македония, Грузия, Белорусь, Армения, Фарер ороллари, Латвия, Люксембург, Қозоғистон, Молдавия, Лихтенштейн, Мальта, Косово, Андорра, Сан-Марино ва Гибралтар.

A ва B лигаларда 3та жамоадан иборат 4та гуруҳ ташкил этилади. C лигасида битта 3та жамоадан ташкил топган ва учта 4та жамоалик гуруҳ бўлади. D лигада 4та жамоадан ташкил топган тўртта гуруҳ мавжуд бўлади. Ўйинлар 2018 йилнинг сентябрь-ноябрь ойларида уйда ва меҳмонда бўлиб ўтади (ҳар бир терма жамоа гуруҳ сиғимига кўра 4-6та ўйин ўтказади).

А лигасидаги тўрт гуруҳ ғолиблари 2019 йилнинг июнь ойида бўлиб ўтадиган финал босқичига чиқишади. Мезбонларни УЕФА 2018 йилнинг декабрь ойида иштирокчилар орасидан танлаб олади. B, C ва D гуруҳи ғолиблари даражасини кўтариш учун учрашувлар ўтказишади. A, B ва C лига гуруҳларида сўнгги ўринни эгаллаган жамоалар даражаси бир поғона пасаяди.

Европа терма жамоалари миллатлар лигаси ғолиблиги ёки даража ўсиши ёки ўз дивизионида қолиш учун курашишади.