Ханс-Дитер Флик "Барселона" билан шартнома муддатини узайтириш масаласини кўриб чиқиши мумкин. COPE хабар беришича, каталонияликлар жамоа бош мураббийи билан шартномани 2028 йил июнигача узайтириш масаласини муҳокама қилмоқчи. Дастлаб Флик 2026/27-йилги мавсумдан сўнг фаолиятини якунлашни мўлжаллаган эди, бироқ энди режаларини ўзгартириши мумкин - у ҳозирча қарор қабул қилиш учун эрта деб ҳисобламоқда.
Флик клуб ва лойиҳадан жуда мамнун - айниқса, "Ла Масия"нинг фаолияти уни ҳайратга солган. Оиласи Барселонада яшашдан мамнун. Мураббий "блауграна"нинг спорт директори Деку ва клуб президенти Жоан Лапорта билан яхши муносабатда. Немис мураббийсининг фикрича, унинг келажаги кўп жиҳатдан Лапортанинг ўз лавозимида қолиш-қолмаслигига боғлиқ.
"Барселона" президенти сайлови 2026 йилда ўтказилади.
