УЕФА "Барса"га қарши ўйиндаги немис мухлисларнинг хатти-ҳаракатлари учун "Айнтрахт"ни жазолайди
10 дек 23:06
Янгиликлар

УЕФА "Барса"га қарши ўйиндаги немис мухлисларнинг хатти-ҳаракатлари учун "Айнтрахт"ни жазолайди

Меҳмон мухлислари кеча "Камп Ноу"да ўзларини жуда ёмон тутишганди.

УЕФА "Айнтрахт" клубига Чемпионлар Лигасидаги "Барселона"га қарши ўйинда (1:2) немис клуби мухлисларининг хулқ-атвори учун жазо тайинлашга тайёрланмоқда. Бу ҳақда Sport.es хабар берди.

Манба маълумотига кўра, стадиондаги тартибсизликлар, майдонга узлуксиз предметлар отилиши, файерлар ёқилиши (улардан бири "Барселона" мухлислари зонасига тушгани) ва трибуналардаги бир неча тўқнашувлар Европа футболининг олий органи эътиборидан четда қолмаган.

Таъкидланишича, шу сабабли учрашувнинг вакили УЕФА Интизом қўмитасига тақдим этиш учун содир бўлган воқеалар ҳақида батафсил ҳисобот тайёрлаган. Тўлиқ билдиргида қандай предметлар, уларнинг сони, майдоннинг қайси қисмидан ва трибуналарнинг қайси бўлимига ташлангани кўрсатилади. Ҳисобот натижаларига кўра, УЕФА "Айнтрахт"га Европа мусобақалари доирасида қатъий жазо белгилайди.

Ҳавола :

Манба : Sport.es

Янгиликларни Телеграмда ўқинг!

Рейтинг: +1