Хитойнинг давлат телерадиокомпанияси CCTV "Реал" ҳужумчиси Килиан Мбаппенинг уни Мао Цзэдун билан таққоcлайдиган мем ҳақидаги баёнотлари туфайли Испания футбол чемпионатини трансляция қилишни вақтинча тўхтатди.
Мбаппега унга қайси мем кўproқ ёқиши ҳақида савол берилган. Франция терма жамоаси сардори шундай жавоб берган: "Энг кўп юзим хитойлик диктатор образида фойдаланиладиган мем устидан кулдим. Мен уни дўстларим билан тез-тез ишлатиб тураман".
Франция терма жамоаси сардори Хитойнинг собиқ етакчисининг исмини тилга олмаган бўлса-да, сўнгги ойларда ижтимоий тармоқларда унинг юзи Мао Цзэдуннинг портретига монтаж қилинган расм кенг тарқалган эди.
El País нашрининг Хитойнинг The Paper нашрига таяниб хабар беришича, Ла Лига ўйинларини трансляция қилишни тўхтатиб туриш тўғрисидаги қарор душанба куни кечқурун кучга кирган. Шунингдек, Мбаппе иштирокидаги реклама материаллари ва видеороликлар ҳам олиб ташланган.
Агар бу тақиқ бекор қилинмаса Ла Лига 400 миллион евро зарар кўради.
Аввалроқ, Мбаппе ушбу мем учун Хитой Халқ Республикасидан узр сўраганди.
