Тибо Куртуа: "Бельгия Европа чемпионатини ютмоқчи"

"Сўнгги турнир ўтказилганига беш йил ўтди. Менда 2016 йилдаги муваффақиятсизлик учун бировдан ўч олиш туйғуси йўқ. Биз интилишда давом этишимиз керак, ушбу турнирда ғалаба қозониш истагимиз юқори. Аввалгидан-да яхшироқ ўйнашга ҳаракат қиламан. Қийинчиликларни енгиб ўтсангиз, кучли бўласиз. ‘Реал’ билан мавсумни яхши ўтказдим.

Евро-2020'да яхши натижага эришамиз деган умиддаман. Ўз устимизда кўпроқ ишлашимиз керак, турнирдаги иштирокимиз эртага бошланади. Россияга қарши ўйинда ғалаба қозонишимиз, худди Россиядаги Жаҳон чемпионатида бўлгани каби ўйиндан ўйинга кучайишимиз керак.

Албатта, учрашув қийин руҳда ўтади. Футболчилар майдонда жуда кўп энергия сарфлайди, бу аниқ. Томошабинлар қаршисида футбол ўйнаш ажойиб ва биз мураккаб учрашувга тайёрмиз", — дейди Куртуа.