"Ҳар бир финал ўзига хосдир. Бу жаҳон биринчилиги финали ва уларнинг ҳар бири ўзгача аҳамиятга эга. Бундай ҳис-туйғуларни яна бошдан кечириш — ақл бовар қилмас даражада ажойиб. Назаримда, ушбу жамоанинг қайд этган натижаси ҳақиқий телбаликдир: кетма-кет икки марта жаҳон чемпионати финалига чиқиш. Шахсан ўзимга келсак, учта жаҳон чемпионати финалида ўйнаш жуда кам сонли футболчиларга насиб этган. Айниқса, ушбу турнирнинг қандай ўтаётгани, бугунги ўйин мазмуни, рақибимизнинг кимлиги ва айнан кимни мағлуб эта олганимизни ҳисобга олсак. Бугун жуда ажойиб воқеалар юз берди.
Ўйиндан олдин бу шунчаки оддий баҳс эканлигини айтган бўлсак-да, мадҳия янграётган пайтда бутунлай бошқача, ўзига хос туйғуларни ҳис қила бошладик. Шу билан бирга, бу барибир футбол учрашуви эканлигини ҳам унутганимиз йўқ. Орамиздан ҳеч ким ютқазишни истамаганди, Аргентина халқи ҳам бу ғалабани жуда-жуда хоҳлаётган эди — ҳеч ким Англияга имкониятни бой беришни истамасди. Биз ушбу учрашувга айнан шундай ёндашдик. Худога шукур, ўз мақсадимизга эриша олдик, уларни турнирдан чиқариб юбордик ва жаҳон чемпионатининг яна бир финалига йўл олдик. Бу барча аргентиналиклар учун жуда бахтли кун бўлди", — дея Мессининг сўзларини келтиради "Ole" нашри.
