28 октябрь тонгида Лос-Ебенес ва Урда муниципалитетлари оралиғидаги йўлда иккита тезюрар поезд тўқнашиб кетди, оқибатда улардан бирининг иккита вагони рельсдан чиқди. Сўнгги маълумотларга кўра, ҳалокат туфайли 50 киши ҳалок бўлган, камида 179 киши жароҳат олган. Тўқнашган поездларда жами 544 нафар йўловчи бўлган.
"Чоршанба куни эрта тонгда Толедо провинциясида юз берган темир йўл ҳалокати қурбонларига ҳурмат ва ҳамжиҳатлик рамзи сифатида, RFEF Испания Кубоги биринчи босқичининг кундузи ва оқшомда ўтказилиши керак бўлган барча 24 та ўйинини қолдирди. Яқин кунларда RFEF турнирнинг қайта кўриб чиқилган тақвимини ва қолдирилган учрашувларнинг якуний вақтини эълон қилади.
Испания футбол оиласи ушбу фожиа муносабати билан мотамда бирдамдир ва даҳшатли ҳалокат жабрланувчиларига ёрдам беришда ҳукуматга ўз кўмагини таклиф этади", — дейилади федерациянинг расмий баёнотида.