Ла Лига раҳбари Хавьер Тебас "Реал" президенти Флорентино Переснинг лига клубни обрўсизлантирадиган ОАВга ҳомийлик қилгани ҳақидаги сўзларидан сўнг уни ёлғончиликда айблади.
Кечаги матбуот анжуманида Перес шундай деган эди: "ABC "Vocento"га тегишли. Улар "Relevo"ни яратишди, бу нима эканини биласиз, тўғрими? Ла Лига билан келишувга кўра, улар ўз фаолияти давомида 25 миллион евро зарар кўрган рақамли газета яратиш билан шуғулланишди. Ла Лига тўлашни тўхтатганидан сўнг, улар "Telefónica" ва "Telecinco"га ҳомийлик қилиш-қилмасликларини билиш учун мурожаат қилишди. Уларнинг ягона мақсади "Реал" ва унинг президентига ҳужум қилиш эди".
"Бу ёлғон. Баъзида у бир суммани айтади, баъзида бошқасини. Улар ҳатто Миллий спорт кенгашига бизнинг устимиздан шикоят қилишди... Бу мутлақо ёлғон. Улар ёлғон ва жабрланувчи бўлиб кўриниш ҳиссини кучайтиришмоқда.
Флорентино Переснинг бизнесдаги муваффақиятлари ва "Реал" тарихи учун қилган ишларини ҳисобга олсак... Мен "Мадрид" мухлисиман ва ҳозир ҳайратдаман. "Реал" учун афсусдаман, ёлғон тарқатишда давом этиш мумкин эмас", — деди Тебас.
