“ТАСС”: Антуан Гризманн ёзда “Барселона” ўйинчисига айланади

“ТАСС” ахборот агентлигининг ёзишича, “Атлетико Мадрид” ҳужумчиси Антуан Гризманн ёзда “Барселона”га ўтади. “Барселона” Антуан учун Мадрид клуби ғазнасига 100 миллион евро ўтказиб беришига тўғри келади. Ҳар ҳолда футболчининг клуб билан амалдаги шартномасидаги товон пули қиймати 100 миллион евро қилиб белгилаб қўйилган.

Қайд этилишича, клублар бу маблағни муддатли бўлиб тўлаш шартини муҳокама қилмоқда. Яъни “Барселона” 100 миллион еврони бирданига эмас, балки бўлиб-бўлиб маълум муддатда тўламоқчи.