Суперлигада иккинчи ўрин масаласи ҳамон очиқ. Кумуш медалларни ким қўлга киритади?

Кумуш медаллар учун учта жамоа кураш олиб боряпти: АГМК, "Насаф" ва "Сўғдиёна". 25-тур якунларига кўра, АГМК ҳисобида 47 очко бор. "Насаф" 45 очко тўплаган бўлса, "Сўғдиёна" 44 очко билан ҳамон иккинчи ўрин учун ўз имкониятини сақлаб турибди. 

Сўнгги ҳал қилувчи турда АГМК ўз майдонида "Сўғдиёна"ни қабул қилади. "Насаф" эса Қаршида "Локомотив"га қарши баҳс олиб боради. Кўриб турганингиздек, охирги турда исталган воқеа рўй бериши мумкин. 

Тўалар нисбати АГМКда +10, "Насаф"да +20, "Сўғдиёна"да эса +12. Энди бу учта жамоанинг ўзаро ўйинларини оладиган бўлсак, АГМК биринчи давра "Сўғдиёна" билан Жиззахда 0:0 ўйнаган. "Насаф"га қарши ҳар иккала баҳс 1:1 ҳисобида якун топган. "Сўғдиёна" эса Қаршида 0:1 ҳисобида имкониятни бой бериб, ўз майдонида 1:1 қайд этди. 

Хуллас, охирги тур олдидан турнир жадвалида жуда қизиқ ҳолат юзага келган. Сизнингча, Суперлигада иккинчи ўринни ким олади?