UZ

Сўнгги янгиликлар

13:46Биринчи лига. 6, 7 ва 8-тур саналари маълум  0 13:38Гётцега яна бир Бундеслига клуби қизиқмоқда  1 13:14Форлан: "Барселона"нинг Суарес билан қилган иши клубнинг кўпгина ўйинчилари билан ҳам содир бўлган"  4 13:05"Навбаҳор" футбол клуби Хайрулло Бозоровга миннатдорчилик билдирди  23 12:51АПЛ. "Ливерпуль" - "Арсенал" ва бошқа ўйинлар учун превью   5 12:44Лемарга "Лейпциг" клуби қизиқмоқда  0 12:39Диёр Имомхўжаев: "Футбол мухлисларининг стадионларга қайтиши ҳозирги ҳолатда мантиқли бўлади"  17 12:28Нозима Зариповани табриклаймиз!  9 12:18Зидан "Реал"нинг эҳтимолий трансферлари ҳақида гапирди  0 12:07Интервью. Бахтиёр Ашурматов: "Бунёдкор"га қарши ўйин жамоамиз учун бурилиш нуқтаси бўлади"  5 11:52Луис Суарес 2020/21 йилги мавсум "Атлетико"да қайси рақамда ўйнайди?  3 11:35"Тамбов"- "Спартак". Москва клуби тарихий ғалабага эришадими? Превью  14 11:24"Челси" хавбекини АПЛнинг уч жамоаси ижарага олмоқчи  5 11:00МЮ футболчиси "Эвертон"га ўтиши мумкин  2 10:37Карикатура: МЮ Англия жамоалари орасида трансферлар ойнасида етарли даражада фаол эмас  9

Стул атрофида нишонланган гол, Лушан, Бобоев, "Бунёдкор" ҳақида - Ўзбекистон чемпионатида ўйнаган тунислик ягона легионер Шакер Зуаги билан интервью Янгиликлар

Стул атрофида нишонланган гол, Лушан, Бобоев, "Бунёдкор" ҳақида - Ўзбекистон чемпионатида ўйнаган тунислик ягона легионер Шакер Зуаги билан интервью

Олдин ваъда қилганимиздек, Ўзбекистон чемпионатида ўйнаб кетган, ўзларидан яхши хотиралар қолдирган легионер футболчилар билан суҳбатларни кўпайтиришни мақсад қилгандик.

Давом эттирамиз. Бу сафар АГМК ва "Бунёдкор" жамоалари таркибида ҳаракат қилган, Ўзбекистон чемпионатида ўйнаган тунислик ягона легионер Шакер Зуагига саволларни ёғдириб ташладик. Албатта, XXI асрда исталган футболчини интернет орқали топиш мумкин бўлмоқда. Демак, имкониятлардан максимал равишда фойдаланамиз.

- Салом Шакер, ишлар қандай кетмоқда, карантинда нималар билан бандсиз? Сиз "Бунёдкор" клуби мухлислари қалбидан умрбодга жой олган футболчилардан бирисиз.
- Аввало, сизга катта раҳмат айтаман. Кутилмаган ҳолат бўлди. Одамни жинни қиладиган карантин бўлмоқда. Тунис ва Дубайда уйим бор. Бир у ерда, бир бу ерда яшаяпмиз. Карантинни оилам билан ўтказяпман. Кўриб турган ҳар бир нарсамдан, лаҳзамдан завқ олишга ҳаракат қиляпман. Йўл-йўлакай овқат қилишни ўрганяпман.

- Сиз ҳақингидаги интернетдаги маълумотлар 2017 йилда қолиб кетган. Ҳозирда қайси жамоада ўйнаяпсиз?
- 2017 йили фаолиятимни якунладим. "Бунёдкор"дан кейинги "Ал Ҳалиж" жамоаси фаолиятимдаги сўнггиси бўлди.

- Бугун эътиборимиз "Бунёдкор"даги фаолиятингизга қаратилади. Жамоа таркибида 2 мавсум ўйнадингиз. Сергей Лушаннинг фаолияти, мураббийлик даражасига қандай баҳо бера оласиз?
- Сир эмаски, фаолиятим давомида кўплаб жамоалар таркибида ўйнаганман ва Роже Лемерр каби машҳур инсон билан ишлаганман. У ўз вақтида Европа ва жаҳон чемпиони бўлган. Сергей Лушан ҳам фаолиятимдаги энг яхши мураббийлардан бири. Натижалар зўр бўлмагандир, лекин у ёшлар билан ишлаб, келажак учун катта пойдевор қуриб кетди. Қаранг, у кашф қилган Рустам Ашурматов, Элдор Шомуродов, Достонбек Ҳамдамовлар ҳозир қандай даражада. У майдонга тушурган йигитлар ўсиб-улғайиб, яхши жойларда ўйнашмоқда, клуб уларнинг ортидан пул ишлаб олмоқда.

- 2015 йили "Бунёдкор" Осиё чемпионлар лигасида яхши ўйин кўрсата олмади. Буни нима билан изоҳлашингиз мумкин?
- Жамоа яхши эди. Саралашда кўплаб юлдузлари бор "Ал Жазира"ни мағлуб этгандик. Гуруҳ босқичида эса рақиблар бизга қарши ёпиқ ва ҳимоявий ўйин ташкил қилиб, ҳужум қилишимизга кўп ҳам имконият беришмади. Бўлган имкониятлардан фойдаланиш қийин кечди. Рақиблар эса гол уриб кетаверди. ОЧЛ даражасидаги турнирларда рақиблар кичик хатоларни кечиришмайди. Шундай кичик хатолар туфайли биз мағлуб бўлавердик. Муваффақиятсизликни шундай изохлайман.

- Умуман олганда жамоа кетма-кет икки мавсум давомида ОЧЛда ғалабага эриша олмади.
- Рақиблар ҳам кучли эди. Легионер ҳужумчилар, бюджети йирик клублар, юлдузли жамоалар. 2015 йилги мавсумдан кейин жамоа янада ёшарди, 2016 йилга келиб, таркибда тажрибали футболчилар жуда кам эди, кўплаб етакчилар жамоани тарк этди. Мавсумни яхши бошлагандик, бироқ таркиб борасида муаммолар кўп бўлгани, захира эса торлиги натижаларга жиддий таъсир кўрсатди. Ўша икки мавсум клуб учун катта дарс бўлди ва кейинчалик натижалар яхшиланиб борди.

- 2016 йили "Бунёдкор" билан шартномани бекор қилдингиз. Бунга клубнинг молиявий ҳолати сабаб бўлдими?
- Оилам туфайли шу қарорга келдим, бу ерда клубнинг пулга тақаладиган ишлари сабаб бўлмаган. 3 йил давомида оиладан узоқда бўлиш осон эмас. Жуда қийналаётгандим. БААга оиламнинг олдига қайтишга қарор қилгандим.

- Интервьюларингиздан бирида "Бунёдкор"дан бошқа жамоада ўйнамайман дегандингиз. "Бунёдкор"дан кетганингиздан кейин Ўзбекистон клубларидан таклифлар бўлдими?
- "Бунёдкор" жуда аҳил оила. Ҳозиргача у ердаги дўстларим билан гаплашиб тураман. "Бунёдкор"ни тарк этганимдан кейин АГМКдан таклиф тушди. Уларга футболдаги фаолиятимни тугатганимни айтиб ўтдим. Олмалиқдан ҳам яхши хотиралар қолган.

- "Бунёдкор"да ўзбек тилини ёки сўзларини ўргандингизми?
- Ўрганмоқчи бўлдим, бироқ жуда қийин экан. "Раҳмат" сўзини ҳали ҳам ишлатиб тураман.

- "Бунёдкор"дан кетганингиздан кейин жамоанинг ўйинларини кузатяпсизми?
- Ҳа. Доимий равишда. Ушбу жамоа таркибида ўйнаб кетган кўпчилик билан ҳали ҳам алоқадаман. Улар ҳам жамоанинг ўйинларини ва натижаларини кузатиб боришади.

- "Бунёдкор"дан кетганингиздан кейин Ўзбекистонга келдингизми?
- Йўқ, бора олмадим. Аммо бу режада бор эди. Буни ташкиллаштиришда муаммолар юзага келди. Карантин қоидалари юмшаганидан кейин оилам билан Ўзбекистонга бориб келиш режамда йўқ эмас.

- "Бунёдкор"даги энг муҳим инсонингиз сифатида кимни айтган бўлардингиз?
- У ерда ҳамма бир тан-у бир жон бўлган. Ҳаммага бир хил эътибор ва шароит яратилган. Бирор кимни ажратиб кўрсатсам, кимдир мендан ҳафа бўлиб қолиши мумкин.

- "Машъал" дарвозасига урилган голингизни стул атрофида нишонлагандингиз. Бунинг сабаби нимада эди?
- Ҳали ҳам ёдимда. Жамоанинг руҳий ҳолатида тушкунлик ва ғамгинлик бор эди. Машғулотимизга чиройли рухшунос аёл ташриф буюрди ва у стуль атрофида айланиб, одамнинг миясини жойига келтирувчи фикр-мулоҳазалар билдирди. Ушбу машғулот якунланганидан кейин жамоадагилар билан урадиган голимни стул атрофида нишонлашни келишиб олгандик. Ўйин куни ўша рухшунос аёл ҳам трибунада эди ва у бундан хурсанд бўлганди.

- Ўзбекистонда янада кўпроқ қолиб, "Бунёдкор" шарафини ҳимоя қила олармидингиз?
- Юқорида айтганимдек, оилам мени чақираверди. Қизим француз-араб мактабига бораётганди, у ҳам мени соғинаётганлигини тезроқ қайтишимни сўраганди. Менимча Ўзбекистонда қололмасдим.

- "Бунёдкор"да ўзингизда нимани кашф қилдингиз?
- Мен ўйнаган бошқа клубларда ҳаёт ўзгача бўлган. Машғулот қиласан, уйингга борасан, дам оласан, ўйинлар ўйнайсан. "Бунёдкор"да ҳамма бир-бирига жуда яқин бўлар экан. У ерда мен ҳамма билан дўст бўла олишимни ўзим учун кашф қилдим, у ердаги оддий ҳайдовчидан то клуб президентига қадар.

- Кейинчалик Бахтиёр Бобоев ҳам жамоани бошқарди. Унинг мураббийлик ишига қандай баҳо берасиз?
- У клуб учун кўп ишларни қилган. Клубнинг муаммолари кўплигидан жамоага бош мураббий олиб келиш ҳам қийин бўлганди. Бахтиёр акани "Бунёдкор"ни қийин вазиятда елкасида кўтариб юрган инсон сифатида ҳурмат қиламан. Унинг ўрнида бўлганида ҳаётини қил устига қўйиб, бундай таваккал қиладиган инсонни топиш иложсиз эди. Тушуняпсизми, гап фақатгина мураббийликда эмас, унинг ортида айтилмайдиган ва футболчилардан ҳам сир тутилган кўплаб гаплар талайгина.

- Жамоадаги асосий рақобатчингиз ким эди?
- Бизнинг пайтда таркибда кўплаб экспериментлар амалга ошириларди. Қандай тушунтирсам бўларкин, бу навбатдаги мавсум учун тайёргарликнинг бир қисми десаммикин. Майдонга доим ҳар хил таркибни тушириб, иложи борича барчага ўйин амалиёти тақдим қилиниши керак эди. Лушан ҳам Бобоев ҳам шунинг йўлидан борди ва уларнинг ортидан ёш йигитлар анчагина тажриба тўплаб олишди. Ёмон ўтган бир мавсумдан кейин жамоа яхши ўйин кўрсата бошлади, ёшлар ҳам тажрибаларини ишга солишди. Буни ижобий ҳолат деб ҳисоблайман.

- Мухлисларга тилакларингиз.
- Клуб мухлисларига унутилмас онлар учун раҳмат айтаман. Уларни ёддан чиқариб бўлмайди. Албатта, имконият бўлиши билан уларнинг олдига бориб, кўришиб суҳбатлашиб қайтаман. Бунга ваъда бераман. Барчага раҳмат.

Миржалол Норматов суҳбатлашди

Рейтинг: +14   

Фикрлар

+2   
05 авг 02:43:55
Kosonsoychi91FCRM4
шУ болани топ узатишлти топ билан муомиласи роса зор еди амо кам юугурарди
+2   
05 авг 01:13:47
polygon
Yahwi oyinchi edi
+1   
05 авг 01:02:44
Sariosiyo
Oʻyinlari hali ham esimda zoʻr futbolchi edi Al Nassr ga urgan goli eng esimda qolgani
   
05 авг 21:10:04
Abbos Mavlonov___™
Shaker Zuagi O'zbek futboliga Olmaliq klubi orqali kirib kelgan. O'zi chempionatimizga ayrim ko'plab legionerla AGMK (Olmaliq) orqali kelib o'ynashvotti (o'ynab ketgan). Yaqqol misol : Arslanmurat Amanov , Shaker Zuagi(hozir yo'q) , Nemanya Yo'vanovich (hozir yo'q) , Evgeniy Gogol (hozir yo'q) Salamat Kutibayev , Yovan Jo'kich , Igor Yelich, Farhod Musabekov , Shota Grigalashvili.
   
05 авг 18:05:46
Sardor Real 92
тугриси укиб чикмадим лекин бу хам ошни роса тановул килганман дегандур
   
05 авг 13:24:00
Jobirmanbuyuk
Agmk haqida bittayam savol yoq ana saviya. Uzbga birinci keganibtogrisidayam. Bolar bulmas savollar. Javobi aniqku savollarni. Uzbga yana kelarmidingiz albatta ha deydida kim yoq bormiman nima qilaman deydi
   
05 авг 11:30:53
.Kamoliddin.
Paxtakor legionerlari bolgan bir paytlar Darko Markovich,Uche,Bunyodkorni yulduzli legionerlari bor shulardan olinsa yaxshi bolardi
   
05 авг 11:03:52
ISLOM KOKAND
Adminlar o‘ylab qarasa faqat poytaxt jamoalarida o‘ynab ketgan legionerlar bn intervyu qilyapsizlar. Viloyatlarda o‘ynagan sobiq legionerlar bilan ham suxbatlarni kutib qolamiz
   
05 авг 11:01:06
adriano
Burhonbek Abdumo'minov фойдаланувчининг фикрига жавоб бериш
Janubiy Afrikanining "Kayzer Chifs" klubi futbolchisi Laki Kone O‘zbek klublari bilan muzokara olib bormoqda ekan va u faoliyatini O‘zbekistonda tugatishini orzu qilishini ham ta‘kidlab o‘tipdi.
Manba bormi
   
05 авг 10:12:30
Amakisi
Журналист интервью олаяпти: Илтимос, Шакир ока дегин, айтгин. Ока дегин!!! Ҳа-аааа, айтгиздим, амалладим шекилли. Журналист ҳаёл суряпти: "Яхши интернетдан кейинги футболчини қидириб топаман энди. Униям амаллайман". Савияга "респект"!
   
05 авг 07:18:35
Дилшод Турсинов
Журналист ноль, ҳаммаси шаблон саволлар
   
05 авг 02:06:13
Burhonbek Abdumo'minov
Janubiy Afrikanining "Kayzer Chifs" klubi futbolchisi Laki Kone O‘zbek klublari bilan muzokara olib bormoqda ekan va u faoliyatini O‘zbekistonda tugatishini orzu qilishini ham ta‘kidlab o‘tipdi.
-1   
05 авг 10:13:21
Man United.
Салом ким руйхатдан утолмаса 99 0912424га мурожат килинг телеграмдан хам ёзсанглар булади
championat.asia
< сўнгги янгиликларни кўриш
Яндекс.Метрика