Софьян Эл Месрар: "Плей-оффда хатолар кечирилмайди ва мусобақа билан хайрлашишга сабаб бўлади"
22 сен 21:54
Янгиликлар

Софьян Эл Месрар: "Плей-оффда хатолар кечирилмайди ва мусобақа билан хайрлашишга сабаб бўлади"

Футзал бўйича жаҳон чемпионати "E" гуруҳи 3-туридан ўрин олган Марокаш – Португалия (1:4) учрашувидан сўнг марокашлик футзалчи Софьян Эл Месрар сайтимизга интервью берди.

"Португалияга қарши оғир ўйин ўтказдик. Учрашувда кўп хатога йўл қўйганимиз сабабли мағлуб бўлдик. Мағлубиятимизнинг асосий сабаби шу. Эндиликда хатоларимизни кўриб чиқиб, кейинги ўйинга қадар бартараф этишга ҳаракат қиламиз. Нафақат тузатишга ҳаракат қилишимиз керак, балки тузатишимиз шарт. Чунки плей-оффда хатолар кечирилмайди ва мусобақа билан хайрлашишга сабаб бўлади", деди Марокашнинг ягона голи муаллифи.

Эслатиб ўтамиз, Марокаш гуруҳда иккинчи ўринни эгаллаган ҳолда нимчорак финал йўлланмасини қўлга киритди. Африка жамоаси ушбу босқичда Эрон билан тўқнаш келади.

Оқил Абдубарноев суҳбатлашди.

Ҳавола :

Манба : championat.asia

Янгиликларни Телеграмда ўқинг!

Рейтинг: