"Ўзимни худди жамоани бошқара бошлаган илк кунимдагидек ҳис қиляпман. Мени танқид қилишгани, ғалабалар қозонганимиз ёки жаҳон чемпионатини бошлаш учун яна шу ерда турганим сабабли ҳеч нарса ўзгариб қолгани йўқ. Мувозанат — энг тўғри сўздир. Биз ўз ишимизни қўлимиздан келганча энг яхши тарзда бажаряпмиз. Аргентина терма жамоаси ва ватанимиз учун бор кучимизни ишга солишга ҳаракат қиламиз. Хотиржамлик бизда доим бўлган. Менинг туйғуларим ўша-ўша. Тажриба сенга хотиржамлик бағишлайди, аммо масъулият даражаси ўзгаришсиз қолади. Биз ҳеч кимдан устун эмасмиз, лекин бошқалардан кам ҳам эмасмиз.
ЖЧдаги илк ўйиндан нималар кутяпман? Бу шунчаки футбол учрашуви. Бизда аввалги жаҳон чемпионати тажрибаси бор ва у шуни кўрсатдики, биринчи ўйин қанчалик муҳим бўлмасин, у ҳал қилувчи аҳамиятга эга эмас. Илк ўйин билан ҳамма нарса тугаб қолмаслигига ишончимиз комил. Бизни ажойиб футболчиларга эга жуда кучли жамоага қарши баҳс кутмоқда. Биз ўзимизга ишонамиз ва турнирга яхши спорт формасида етиб келдик", — дея Скалонининг сўзларини As нашри келтиради.
