Шаҳзод Убайдуллаев: "Навбаҳор"нинг таклифини ортиқча ўйлаганим йўқ. Янги мавсумда Наманганда бошқача атмосфера кутяпман"

 Клуб таркибни маҳаллий футболчилар орқали шакллантиришга киришди. Мирзоҳид Ғофуров, Абдуғани Камолов, Шаҳзод Убайдуллаевлар шулар жумласидандир. Айниқса косонсойлик бўлган Шаҳзод Убайдуллаевни мухлислар яхши танишади. Хўш, унинг янги жамоасига ўтиши қандай юз берди?

"Уйга қайтганимдан хурсандман. "Навбаҳор" таклифини ортиқча ўйлаб ҳам ўтирганим йўқ. Наманган ўзимиз туғилиб-ўсган жой. Янги мавсумда ўз ўйинимизни кўрсатамиз. Мухлисларни хурсанд қиламиз. Ўйлайманки, стадионда атмосфера жуда бошқача кўриниш олади. Жамоа ёшармоқда, маҳаллий ўйинчиларга эътибор кучайди. Стадион тўлиб-тошишига ишонаман. Ҳужумчида эътибор фақат тўпурарликка қаратилган бўлиши керак. Менда ҳам шундай. Худо хоҳласа шу йўлда ҳаракат қиламиз. 

"Металлург"ни мавсум тугамасидан тарк этишимга сабаб мураббий билан келишмовчилик бўлди. Иккинчи даврада ўйин амалиёти кам берилди. Деярли тўп тепмадим. Бундан ҳеч қандай адоватим йўқ. Мураббий бизни машғулотда ажратиб қўяётганди. Ўзини кўрсатгани имкон ҳам бермади. Шу боис Шавкат ака Саидов билан гаплашдим. Улар тўғри тушундилар",- дейди Шаҳзод Убайдуллаев.