Сергей Лушчан: "Терма ўйинидан икки кун ўтиб бизнинг учрашув бўлиши фақат бизда бўлса керак"

"Бугун "Обод" футбол ўйнади. Иккинчи жамоа эса футболдан кейин тикланди. Бугунги таркибдан 7 нафар футболчини фақат кеча кўрдик. Шу боис таркибни ҳам, тактикани ҳам ўзгартиришга мажбур бўлдик.

37-дақиқада тактикани ўзгартирдик ва бироз ўзимизга келдик.

Ёш футболчиларни юлдуз қилиб қўйганларда ҳам айб бор. Шомуродов, Ҳамдамов кабилар ҳали машина ўйинчоқ ўйнаши керак.

28 март куни терма жамоа ўйнамоқда, 30 мартда "Бунёдкор" ўйнамоқда. Фақат бизда шундай бўлиши мумкин. Терма жамоадан келган футболчилар негадир ўзгариб қайтишади, худди ҳозир майдонга тушиб барчани ҳал қилиб ташлайдигандек.

Таркибимизда бор бўлган футболчиларга ишонаман. Қайси йилда туғилганидан қатъий назар ўзини кўрсатдими уни майдонга тушираман. Юлдуз бўлиб қолган футболчилар ўйлаб кўришсин, кимдир кейинги ўйинларда захирага ўтириши мумкин.

Бизда етакчилар йўқ. Олдин Миржалол Қосимов бор эди, у етакчи эди доим барчани ортидан эргаштира оларди. Жепаров ҳам шундай эди", - дейди Сергей Лушчан.