Сергей Лебедев: "Ўтган ўйиндаги каби ҳаракат қила олмадик"

- Ўйин ҳақида

- Биринчи навбатда, Ўзбекистон аҳлини миллий терма жамоамиз жаҳон чемпионати йўлланмасини қўлга киритгани билан табриклайман. Барча мухлислар, футбол ишқибозлари, шу кунни орзиқиб кутган юртдошларимизни ушбу ютуқ билан муборакбод этаман.

Ўйин ҳақида айтадиган бўлсам, йигитлар бугун ўзларидан кутилган ҳаракатларни кўрсатиб бера олишмади. "Локомотив" билан баҳсдан фарқли ўйин кўрсатдик. Мағлубиятга асосий сабаб сифатида шуни кўрсатган бўлардим.

- Жамоа нега биринчи бўлимда номинал ҳужумчиларсиз ҳаракат қилди?

- Биз ўйинни шунақа режа бошладик. "Арал"да қарши ҳужум режаси ҳам бор эди, биз шундан хато қилмасликка уринди. Шерзод Қодиров ҳужумда яхши ҳаракат қилди, бироқ унда вазиятлар кам бўлди. Футболда баъзан турли ўзгаришларга қўл уриб туриш керак.

- Жамоа "Локомотив"га қарши жуда яхши ўйин кўрсатганди. Бироқ бугунги ўйинда жамоангиз ўша учрашувдаги каби ҳаракат қила олмади. Бунга нима сабаб бўлди деб ҳисоблайсиз?

- Бу ҳақда айтдим, ҳаммаси руҳият билан боғлиқ. Бунда футболчининг маҳорати ва даражаси ҳам муҳим аҳамият касб этади. Иккинчи лига, Биринчи лига, булар бошқа даража. Қуйи лигадан чиқиб келиб бирданига кучли ўйин намойиш этиш қийин. Про лигада кучли жамоалар жам бўлган.