"Манчестер Юнайтед" ва Ирландия терма жамоасининг собиқ сардори Рой Кин, "Арсенал"нинг собиқ ҳужумчиси Иан Райт ҳамда "Манчестер Юнайтед"нинг яна бир собиқ футболчиси Гари Невилл Лионель Мессининг жаҳон футболи тарихидаги ўрни ҳақида фикр алмашди.
Гари Невилл:
— "Энди Мессини Пеле ва Марадонадан ҳам юқори қўйиш мумкинми? У эришган ютуқлардан кейин бу ҳақда гапириш вақти келмадими?”
Рой Кин:
— "Ҳа, аммо у ҳали ҳам Криштиану Роналду даражасига етгани йўқ."
Бу сўзларидан кейин Рой Кин кулиб юборди.
Гари Невилл:
— "Менимча, ҳозирча уни ана шу энг юксак поғонага қўйишга тайёр эмасмиз."
Мазкур суҳбат "The Overlap" кўрсатувида бўлиб ўтди.
Якунланган Жаҳон чемпионатида Лионель Месси 8 та гол урди ва 4 та голли узатмани амалга оширди.
Мусобақа давомида аргентиналик юлдуз миллий жамоалар иштирокидаги энг нуфузли турнирлар тарихида 20 та голлик маррадан ошган илк футболчига айланди. Шунингдек, у чемпионатнинг энг яхши ассистенти бўлди ҳамда Жаҳон чемпионати тарихида энг кўп учрашув ўтказган футболчи сифатида янги рекорд ўрнатди.
