Кўпчилик Россияни етарли даражада юқори савиядаги рақиб эмас, деб ёзмоқда. Бунга аниқлик киритиш учун фақат объектив кўрсаткичларга эътибор қаратамиз. Россия роппа-роса 4 йил олдин Ўзбекистонга келгани боис, шу давр мобайнида Ўзбекистон кимлар билан ўйнагани менга қизиқ туюлди. Баҳолаш мезони сифатида ўйин ўтказилган вақтдаги ФИФА рейтингидаги ўрин ва таркибнинг трансфер қийматини оламиз.
Агар фақат ўртоқлик учрашувларини кўриб чиқадиган бўлсак, қуйидагича манзара ҳосил бўлади:
Россия – ФИФА рейтингида 33-ўрин, таркиб қиймати – 109,1 млн евро;
Боливия – 82-ўрин, таркиб қиймати – 13 млн евро;
Венесуэла – 55-ўрин, таркиб қиймати – 30,4 млн евро;
АҚШ – 11-ўрин, таркиб қиймати – 234,9 млн евро;
Мексика – 12-ўрин, таркиб қиймати – 159,3 млн евро;
Вьетнам – 95-ўрин, таркиб қиймати – 4 млн евро;
Хитой – 80-ўрин, таркиб қиймати – 8 млн евро;
Қирғизистон – 98-ўрин, таркиб қиймати – 4,9 млн евро;
Кувайт – 135-ўрин, таркиб қиймати – 3,9 млн евро;
Уругвай – 15-ўрин, таркиб қиймати – 98,4 млн евро;
Миср – 35-ўрин, таркиб қиймати – 69,9 млн евро;
Эрон – 21-ўрин, таркиб қиймати – 23,9 млн евро;
Габон – 86-ўрин, таркиб қиймати – 7,1 млн евро;
Венесуэла – 50-ўрин, таркиб қиймати – 53,4 млн евро;
Канада – 30-ўрин, таркиб қиймати – 157,5 млн евро;
Нидерландия – 7-ўрин, таркиб қиймати – 734,2 млн евро;
Эрон – 22-ўрин, таркиб қиймати – 25,5 млн евро;
Сурия – 83-ўрин, таркиб қиймати – 8,1 млн евро;
Жанубий Корея – 32-ўрин, таркиб қиймати – 109 млн евро;
Россия – 35-ўрин, таркиб қиймати – 197,8 млн евро.
Кўриниб турибдики, 4 йил ичида Россия ФИФА рейтингида тахминан ўша ўринларда қолган, бироқ таркиб қиймати деярли икки баробарга – 109,1 миллиондан 197,8 миллион еврогача қимматлашган. Трансфер бозорида яхшигина қийматга эга бўлган кўплаб ёш футболчилар (масалан, Алексей Батраков) етишиб чиқди.
Агар ФИФА рейтинги ва таркиблар қиймати ҳақида гапирадиган бўлсак, Россия ўтган бутун давр мобайнида Ўзбекистоннинг камида топ-10 рақиблари қаторига киради. Рейтинг бўйича фақатгина 7 та терма жамоа – АҚШ, Мексика, Уругвай, Эрон, Канада, Нидерландия ва Жанубий Корея юқорироқда бўлган. Таркибнинг қиймати бўйича эса Россиядан фақатгина Нидерландия ва АҚШ қимматроқ эди.
Ҳа, эҳтимол, Россияга қарши ўйин бундан 5-6 йил олдингидек катта "афиша" бўлмаслиги мумкин. Лекин бу ўз кучимизни синаб кўриш мумкин бўлган бақувват спарринг-рақиб эканлиги аниқ. Яқинлашиб келаётган Осиё Кубогини ҳисобга олсак, бу икки карра муҳимдир.
Николай Егоричев тайёрлади.
