Роналд Куман: “Эвертон” Лукакуни ўз сафида сақлаб қолмоқчи, аммо...”

“Мен бугун уч очкони қўлга киритганимиздан ва кўрсатган ўйинимиздан мамнунман. Биз ўйинни ўз назоратимизда сақлаб турдик ва ҳужумкор ўйин кўрсатдик. Мавсумдаги энг муҳим ўйинларимиздан бирини ўтказдик. Ҳисоб 4:2 бўлиб турган пайтда ҳам назоратни қўлдан чиқармадик.

Лукаку – дунёдаги энг яхши ҳужумчилардан бири. У ҳар томонлама ўсмоқда. Ўйлашимча, у ҳужумларни ажойиб ва самрали якунлайдиган форвард. “Эвертон” учун Ромелу энг муҳим футболчилардан бири. Биз уни ўз сафимизда сақлаб қолиш учун барча ишни қиламиз. Аммо сўнгги сўзни барибир футболчининг ўзи айтади. Ҳар бир инсоннинг ўз орзу-нияти бўлади”, дейди Куман.