Қайд этилишича, испан клублари ҳужумкор ярим ҳимоячининг ижодкорлиги ва техник маҳоратини юқори баҳолаган. Футболчи ҳозирда Европа скаутлари рейтингида етакчилик қилмоқда. "Аякс"га ҳозирча расмий таклифлар келиб тушгани йўқ. Аммо, "Реал" ва "Барселона"нинг қизиқиши кучли ва мақсадли экани айтилмоқда.
Райан Бунида Бельгиянинг “Андерлехт” клуби тарбияланувчиси бўлиб, катталар даражасида фақат “Аякс”да ўйнаган. У жорий мавсум Нидерландия чемпионатида 8 та ўйинда майдонга тушди ва 1 та голли узатмани амалга оширди.
