Манба: "Реал" раҳбарияти ёзда таркибни кучайтириш масаласида Анчелоттига рад жавобини берган

"The Athletic" хабарига кўра, Карло Анчелотти жорий мавсум 3 та асосий совриндан бирортасини юта олмаса, "Реал" бош мураббийи лавозимини йўқотади. 

Маълум бўлишича, ўтган ёзда италиялик мутахассис "қаймоқранглилар" раҳбариятидан таркибни кучайтиришни сўраган, бироқ рад жавобини эшитгач, эътироз билдирмаган.

"Реал" 2021/2022 йилги мавсумда Анчелотти қўл остида Чемпионлар Лигаси ҳамда Ла Лигада ғолиб чиқди ва август ойида улар орасига Европа Суперкубогини қўшиб қўйди. Энди италияликнинг асосий умиди фақат Чемпионлар Лигаси бўлиб турибди. "Реал" чемпионатда "Барселона"дан 9 очко ортда қолмоқда, Кубок ярим финалида мадридликлар ўз уйидаги биринчи ўйинда "кўк-анорранглилар"га ютқазган, январда эса "бланкос" Испания Суперкубоги финалида "блауграна"га мағлуб бўлган эди.