"Реал Мадрид" - Ла Лигада энг яхши

Ла Лига доирасидаги 15 ўйиннинг 13 тасида Зидан шогирдлари зафар қучишган. Шунингдек ўша 13 ғалабанинг 12таси қаторасига расмийлаштирилгани ҳам эътиборга лойиқ. Ва агар эртага (шанба куни) "қаймоқранглилар" сафарда "Хетафе"ни мағлуб этсалар, Ла Лига рекорди такрорланади. 

Бу борада кейинги ўринларни "Барселона" (10) ва "Атлетико" (8) эгаллаб турибди. Ушбу жамоалар сафарда 32 очкодан қўлга киритган, бу эса "Реал"никидан 7 очкога кам дегани. 

Гол уриш кўрсаткичига тўхталадиган бўлсак, "Реал" рақилари дарвозасига 45 бор тўпни жойлаб қўйган. Ўртача ҳисобда ҳар бир ўйинга 3тадан тўғри келади. "Барса" (36) ва "Атлетико" (29) бу борадла ҳам ортда қолмоқда.