"Реал" ҳимоячиси мавсумда тўртинчи марта жароҳат олди

4 май 2026, 08:50
"Реал"нинг чап қанот ҳимоячиси Ферлан Менди Испания чемпионати 34-турида "Эспаньол"га қарши ўйинда жароҳат олди.

30 ёшли француз 14-дақиқада Фран Гарсияга алмаштирилди.

AS нашрининг хабар беришича, Менди ўнг соннинг тўртбошли мушакларини шикастлаган. Бу унинг жорий мавсумдаги тўртинчи жароҳатидир.

Жами 2025/26 мавсумида Менди "Реал" сафида барча мусобақаларда фақат 9 та ўйинда майдонга тушди.


Манба: AS