Манбанинг ёзишича, Испания клуби вакиллари Англия терма жамоасининг Риека шаҳрида Хорватияга қарши кечган баҳсида (7:0) стадионда бўлишган. Ўша ўйинда 23 ёшли Скотт миллий терма жамоа сафида илк бор асосий таркибда майдонга тушганди. Ташрифнинг асосий сабабларидан бири айнан у бўлган.
"Реал" футболчини камида 3 марта шахсан кузатган, жумладан "Борнмут"нинг Европа Лигаси доирасида "Реал Сосьедад"га қарши сафар учрашувида ҳам.
Скотт трансфер пойгасида пешқадам бўлиб турган "Челси"нинг узоқ муддатли нишони ҳисобланади, шунингдек, "Ливерпуль" ҳам унга жиддий қизиқишни сақлаб қолмоқда. Бироқ "Борнмут" ўз позициясида қатъий: клуб футболчини 2027 йилнинг январида қўйиб юбормоқчи эмас ва унга янги шартнома таклиф қилиш устида ишламоқда.
"Реал"дан ташқари, Скоттни "Милан" ҳам кузатиб бормоқда, аммо италияликлар сўралаётган қарийб 90 миллион евролик нарх молиявий имкониятларидан анча юқори эканини тушуниб туришибди. "Борнмут" ўзининг энг қимматли футболчиларидан бирини сақлаб қолиш ниятида, бироқ унга бўлган қизиқиш тобора ортиб бораётгани 2027 йилнинг ёзида трансфер амалга ошишига олиб келиши мумкин.
Скотт 2023 йилнинг августидан буён "Борнмут" сафида тўп тепиб келади. Унинг амалдаги шартномаси 2028 йилнинг 30 июнигача мўлжалланган.
Хавбек 2025/26 йилги мавсум 39 та учрашувда майдонга тушиб, 4 та гол урди ва 1 та голли пас узатди.
Transfermarkt портали футболчининг трансфер қийматини 50 миллион еврога баҳоламоқда.
