Равшан Аҳмедов: "Олимпик"нинг барча жабҳаларда "Локомотив БФК"дан устунлиги кўриниб турди"
20 апр 2024 19:10
Янгиликлар

Равшан Аҳмедов: "Олимпик"нинг барча жабҳаларда "Локомотив БФК"дан устунлиги кўриниб турди"

Ўзбекистон кубоги гуруҳ босқичидан ўрин олган "Олимпик" - "Локомотив БФК" (4:0) учрашувидан сўнг меҳмонлар бош мураббийи Равшан Аҳмедов фикрлари билан ўртоқлашди.

"Барча жабҳаларда рақибнинг устунлиги кўриниб турди. Суперлига жамоаси билан ўйин футболчиларга яхши тажриба вазифасини ўтайди деб ўйлайман. Футболчилар берилган кўрсатмаларни бажаришга ҳаракат қилишди. Қизил карточкани эса кўриб чиқамиз. Албатта хатолар бор. Буни таҳлил қиламиз ва кейинги ўйинларга тайёргарликни бошлаймиз".

- Жамоа ўтган йили кубокда ёрқинроқ таассурот қолдирганди. Бу йил нима етишмаяпти?
- Таркибимизда академиямизнинг тарбияланувчилари бор эди. Уларни бошқа жамоаларга қўйиб юбордик. Кўпроқ тажриба тўплашлари учун ҳаракат қилмоқдамиз. Шундай ўйинлар орқали катта футбол кўникмаси шаклланади. Бунга қадар "Чиғатой" билан ёмон ўйнамагандик. Барибир Суперлига жамоаси билан фарқ бор. Нима ҳам дердим ишлашда давом этамиз.