К2 Лигасида иштирок этувчи "Пусан ИПарк" клуби 1979 йилда ташкил этилган. Ўз уй ўйинларини 53769 томошабинга мўлжалланган "Busan Asiad Main Stadium" стадионида ўтказади. Айни пайтда жамоани маҳаллий мураббий Парк Жин Суб бошқармоқда. "Пусан" 4 марта мамлакат чемпиони бўлган, бир марта Корея ФА кубоги, 3 марта Корея Лига кубоги, бир марта Корея Суперкубогини қўлга киритган. 1986 йилда Осиё клублар чемпионатида ғолиб чиққан.
"Пусан" ўтган мавсум К2 лигада иккинчи ўринни эгаллаб К1 лигага чиқиш учун плей-офф ўйинларида иштирок этди. Бироқ финалда "Сувон"га имконият бой берилди.
Маълумот учун, 26 ёшли Муҳаммадали Алиқулов ўтган мавсум "Металлург" таркибида 14 та ўйинда қатнашиб, 2 та сариқ карточка олган эди.
Маълумот учун, Муҳаммадали Алиқулов "Ризеспор" ва Ўзбекистон МТЖ ҳимоячиси Ҳусниддин Алиқуловнинг акаси ҳисобланади.
Ўзбекистонлик легионерлар сони биттага кўпаяди. Алиқулов Кореяга йўл олмоқда
