Тиаго Алькантара "Барселона" мураббийлар штабига расман қўшилди. Каталон клуби буни эълон қилди.
33 ёшли Тиаго июль ойида футболчилик фаолиятини якунлаганди. Алькантара "Барселона"да Ханс-Дитер Фликнинг ёрдамчиси бўлади.
"Барса"нинг собиқ ярим ҳимоячиси жамоанинг АҚШдаги турнесида янги позициясида фаолиятини бошлайди.
Эслатиб ўтамиз, Флик ва Алькантара 2019-2020 йилги мавсумда "Бавария"да бирга фаолият олиб боришган. Ўшанда немис клуби требл қайд этганди.
