Маросим энди 2026 йилнинг 9 май куни Ар-Риёд шаҳрида бўлиб ўтади. Тадбир UNESCO Бутунжаҳон мероси рўйхатига киритилган Ат-Турайф тарихий ҳудудида ўтказилади. Дастлаб қуръа ташлаш маросими 11 апрель кунига режалаштирилган эди, бироқ барча иштирокчи ассоциациялар ва ҳамкорларнинг тўлиқ иштирокини таъминлаш мақсадида муддат ўзгартирилди.
Турнир ҳақида муҳим маълумотлар:
Иштирокчилар: Ҳозирда 24 та жамоадан 23 таси маълум бўлиб улгурган.
Сўнгги йўлланма: Охирги иштирокчи номи 2026 йил 4 июнь куни Ливан ва Яман ўртасидаги ўйиндан сўнг аниқланади.
Саватчалар таркиби билан танишинг:
1-саватча: Саудия Арабистони (Мезбон), Япония, Эрон, Жанубий Корея, Австралия, Ўзбекистон.
2-саватча: Қатар, Ироқ, Иордания, БАА, Уммон, Сурия.
3-саватча: Баҳрайн, Таиланд, Хитой, Фаластин, Вьетнам, Тожикистон.
4-саватча: Қирғизистон, Шимолий Корея, Индонезия, Кувайт, Сингапур, Ливан ёки Яман.
Мусобақа муддати: 19-бор ўтказилаётган Осиё Кубоги 2027 йилнинг 7 январидан 5 февралига қадар давом этади.
Эслатиб ўтамиз, Саудия Арабистони ўз тарихида илк бор ушбу нуфузли мусобақага мезбонлик қилмоқда. Қуръа натижасида Осиёнинг энг кучли жамоалари 6 та гуруҳга бўлинади.
