Расман: "Навбаҳор" "Йил кашфиёти"ни таркибда олиб қолди
09 дек 2025 16:45
Янгиликлар

Расман: "Навбаҳор" "Йил кашфиёти"ни таркибда олиб қолди

"Навбаҳор" матбуот хизмати вингер Аббос Ғуломов билан тузилган шартнома муддатини узайтирди.

"Бугун клуб қароргоҳига Наманган вилояти ҳокими,вилоят футбол ассоциацияси президенти Шавкат Шокиржанович Абдураззоқов ташриф буюриб, жамоамиз президенти Анвар Тожимирзаев билан биргаликда "Навбаҳор" сафида якунланган мавсумда жамоамиз шарафини ҳимоя қилган футболчилар орасидан етакчиларни келаси мавсумда ҳам "лочинлар" таркибида олиб қолиш масаласини муҳокама қилиб, бош мураббий Тимур Тохирович Кападзе тақдим этган шорт-лист асосида жамоамиз сафида сермаҳсуллик кўрсатиб, якунда "Навбаҳор"нинг якунланган мавсумдаги энг яхши ўйинчиси ва ПФЛ томонидан 2025 йилги мавсумнинг "Йил кашфиёти" бўлган Аббос Ғуломов билан келишувга эрилишиб, у билан тузилган амалдаги шартнома муддати узайтирилди", – дейилади хабарда.

27 ёшли футболчи якунланган мавсум 34 ўйинда қатнашиб, 12 та гол урган ҳамда 3 та голли узатмани амалга оширган.

Аввалроқ унга "Бунёдкор" даъвогарлик қилаётгани ҳақида хабар берилган эди.

Ҳавола :

Манба : "Навбаҳор" матбуот хизмати

Янгиликларни Телеграмда ўқинг!

Рейтинг: +2