Рангник "Манчестер Сити"га қарши ўйин олдидан нималар деди?

"Биз нафақат Европанинг, балки, дунёнинг энг яхши жамоаларидан бирига қарши ўйнашимизни тушуниб турибмиз.

Пеп келганидан кейин клуб анча ривожланиб кетди. У "Бавария" ва "Барселона"да ҳам шундай ишлаганди. У дунёнинг энг зўрларидан бири.

Биз эса тўпсиз ва тўп билан ҳолатларда кўпроқ тактик томонлама машғулотлар олиб боряпмиз.

Сўнгги 10-11 ўйинда ғалаба учун етарлича вазият ярата олдик. "Лидс" дарвозасига тўртта гол урдик, "Уотфорд"га эса 3-4та гол уришимиз мумкин эди.

Биз бу ўйинда зич ўйнаб, жамоавийлик намойиш қилсак, рақибда тўп бермаслигимиз мумкин", - деди "Юнайтед" бош мураббийи.