Қирғизистонлик мухлислар хурсандлар
14 май 2016 16:13
Янгиликлар

Қирғизистонлик мухлислар хурсандлар

Ўзбекистон - Қирғизистон терма жамоалари ўртасидаги баҳс ФИФА томонидан тасдиқлангач, Қирғизистон ФФ бу ҳақда ўзининг "Файсбук"даги расмий саҳифасида маълум қилди.

Маҳаллий мухлисларнинг фикри бизни ҳам қизиқтирди. Уларнинг жуда кўпчилиги, Ўзбекистон миллий терма жамоасига қарши кечадиган учрашувни, ўзлари учун ўта муҳим ҳисоблаяптилар.

Айдар Эсенгулов номли фойдаланувчи "ишқилиб улар айниб қолмасинлар-да", - дея фикр қолдирган.

"Барибир ютқазамиз, аммо ишонишимиз керак", - деган изоҳ берган Муҳамед Сафаров.

"Nazarbek Sultanov" эса Ўзбекистон терма жамоасини Ливанга қараганда кучли рақиб дея таърифлаган бўлса, Арген Шерматов агар терма жамоаси ғалаба қозонса, ФИФА рейтингида қўтарилишини такидлаган.

"Tema Tema" ники остидаги ўқувчи, Тошкендаги майдонларнинг сифати яхши, шунинг учун ўйин Ўзбекистонда бўлишини ёзган.

Энг кўп лайк олган фикрни Аскат Жолдошев ёзди:

- Ух... Супер кучли рақиб. Ўзаро ўйинларда қайд этилган ҳисоб 22:2 уларнинг фойдасига, биз бирон маротаба ғалаба қозона олмаганмиз.

Ҳавола :

Манба : championat.asia

Янгиликларни Телеграмда ўқинг!

Рейтинг: +30